(ВИДЕО) СКАНДАЛ НА ОСКАРИТЕ: Вил Смит му удри шлаканица на Крис Рок на сцената!

Зад нас е најважната холивудска ноќ во годината – Оскарите, а покрај неверојатните креации, солзи, емотивни говори, оваа ја одбележа и физичка пресметка!

Оскарот за најдобар актер му припадна на Вил Смит за улогата во филмот „Кралот Ричард“ во кој ја толкуваше улогата на таткото на тенисерките Серена и Венус Вилијамс. Смит ја прими статуата во солзи и ѝ се извини на јавноста за физичката пресметка со колегата Крис Рок, која се случи само неколку минути пред овој свечен момент.

На доделувањето на Оскарите се случи инцидент, кога комичарот Крис Рок ја коментираше Џејда Пинкет Смит, сопругата на Вил Смит. Тој рече дека Џејда, која носи многу кратка фризура бидејќи има алопеција, личи на Деми Мур во филмот „Џи Ај Џејн“.

Нејзиниот сопруг, Вил Смит прво се насмеа на шегата, а потоа, одеднаш стана од местото, излеге на сцената и го удри со сета сила по лице комичарот. Откако му удри шлаканица на Крис Рок, Вил Смит се врати на своето место и двапат го опцу Крис – „не го земај името на мојата сопруга во својата е…на уста“.

Written by Radio Most